OKOSITA 30, 2024
RUSIA

Vakatatabutaki o Brother Aleksandr Salnikov

SARAVA/ROGOCA

Ena ika22 ni Okosita 2024, e kaya na mataveilewai na Ordzhonikidzevskiy District Court of Magnitogorsk in the Chelyabinsk Region mai Rusia, ni cala o Brother Aleksandr Salnikov. E vakatatabutaki me ono na yabaki, ia ena sega ni biu e valeniveivesu ena gauna qo.

Kena iTukutuku

Aleksandr Salnikov

Sucu: 1961 (Magnitogorsk)

Me baleti koya: Ni bera cegu mai nona cakacaka, a daunimisini tu ena dua na kabani

Rau vakamau kei Nelly ena 1985. E dua na luvedrau tagane, dua tale ga na yalewa

E levu na ka e dau lomatarotarotaka o Aleksandr, wili kina na veika e vauca na veikabula. Ia e marau ni vulica na veika me baleta na Dauveibuli. Rau papitaiso vakaveiwatini ena 2000

Ka e Tukuna

E yaga vakacava na nomu vosota na ituvaki dredre o sotava?

Dua na ka noqu nuiqawaqawa qai lomabibi niu rogoca na itukutuku au beitaki kina ena imatai ni noqu veilewai. Na nuiqawaqawa vakasivia e rawa ni vakaleqa na lomada, noda ka vakayalo, vakayago tale ga. E sega ni rawarawa dina nida tu ena ituvaki va ya. E qai kaya vei au e dua na tacida ni na marautaka o Setani ke da yalolailai. Ia ena vakamarautaki Jiova nida dei ena noda vakatulewa. Au vulica kina meu dau lewa vinaka na ivakarau ni lomaqu. E qai vukei au sara ga o Jiova meu cakava qori. Qo au sa sega ni kauaitaka vakalevu na ituvaki au sotava, au vakadeitaka meu yalodina tiko ga vei Jiova. Au kila ni na tokoni au, ena vakayaloqaqataki au tale ga.

Eda marau nida kila ni Kalou lomasavu o Jiova ena vukei keda meda vaqaqacotaka na itovo ena vukei keda meda vosota kina na ituvaki dredre.—Kalatia 5:22, 23.

Veitaravi ni Gauna

Epereli 18, 2023

Tekivu vaqaqai, qai beitaki ni tuvanaka tiko na soqoni ena videoconference
Epereli 20, 2023

Caka na vaqaqara ena vica na vale e Magnitogorsk, wili kina na vale nei Aleksandr. E kau o Aleksandr qai lai vesu tu vakawawa
Epereli 22, 2023

Sere qai vakatabui me gole ina dua tale na vanua
Me 14, 2024

Tekivu veilewaitaki
Okosita 22, 2024

Beitaki ni cala qai vakatatabutaki me ono na yabaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU