Ena ika2 ni Feperueri 2021, e kaya na mataveilewai na Birobidzhan District Court of the Jewish Autonomous Region e Rusia, ni cala o Artur Lokhvitskiy e yabaki 35. Ena vakatatabutaki me rua na yabaki, qai ono na vula. Ena soli tale ga vua eso na vakatatabu me tolu na yabaki. Ena gauna qo ena sega ni bala e valeniveivesu.

E kaya ena iotioti ni nona ivakamacala ena mataveilewai: “Keu mani vesu se sega, au marautaka ga vakalevu niu vakaitavi ena veilewai qo. Au sa vakadinadinataka tu qo na ka e tukuna o Jisu. E volai ena Marika wase 13, tikina e 9 kei na 10: ‘Dou qarauni kemudou vinaka. Era na kauti kemudou ina mataveilewai, . . . mo dou vakadinadina kina vei ira. Ena vunautaki tale ga e liu na itukutuku vinaka ina veimatanitu kece.’ . . . E uqeti au na ka dina qo meu tukuna na inaki ni Kalou vei ira eso tale. Vei kemuni gona na turaganilewa, e ka dokai vei au meu wasea na itukutuku vinaka qo vei kemuni.”