JUNE 10, 2024
RUSIA

Vakatatabutaki o Brother Igor Kasabov

SARAVA/ROGOCA

Ena ika14 ni Me 2024, e beitaki o Brother Igor Kasabov na mataveilewai na Oktyabrskiy District Court of Tambov. Ena vakatatabutaki me rua na yabaki. E sega ni biu e valeniveivesu ena gauna qo.

Kena iTukutuku

Igor Kasabov

Sucu: 1955 (Baku, Azerbaijan)

Me baleti koya: Cakacaka ena tabana ni waqavuka. Qo sa cegu na cakacaka

Vakawatitaki Irina ena 1981

Rau vulica vaka veiwatini na ivolatabu kei ira na iVakadinadina i Jiova. E rau marau ni rau vulica ni Kalou ena vakalesuya mai vuravura na vakacegu kei na lewadodonu. Rau papitaiso ena 1993

Ka e Tukuna

Na ivakaraitaki vakaivolatabu cava e vakayaloqaqataki iko?

Ena gauna au yalolailai kina, au dau vakasamataka na ivakaraitaki vakaivolatabu me vakataki Apakuki. E dau veivakayaloqaqataki na nona ivakaraitaki baleta ni vulica me dau waraki Jiova. Au vulica kina meu dau vosovoso. Ena vica na yabaki sa oti, a tauvi au na mate ni uto ka tauvi watiqu na strouk. E vakaiyalayala ga na veika keirau rawa ni cakava. Ia keirau nuidei ni o Jiova e marautaka na ka keirau cakava. Ni sotavi na veivakacacani keirau kila ni volekati keirau o Jiova. E lomani keirau tiko ga ka vakadinadinataki qori ena levu na sala e vukei keirau kina.

Eda nuidei ni o Jiova ena vakalougatataki rau tiko ga o Igor kei Irina ni rau vakararavi Vua ena nona kaukauwa—⁠Apakuki 3:⁠19.

Veitaravi ni Gauna

Epereli 11, 2023

Caka na vaqaqara e nona vale. Qai tauri vakaukaua na nona iyaya
Epereli 12, 2023

Tekivu vaqaqai
Maji 28, 2024

Tekivu veilewaitaki
Me 14, 2024

Totogitaki qai vakatatabutaki me rua na yabaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU