Ena ika26 ni Janueri 2021, e kaya na mataveilewai ni yasana na Leninskiy District Court of Rostov-on-Don e Rusia, ni cala o Sister Galina Parkova. Ena sega ni curu e valeniveivesu, ia ena vakatatabutaki me rua na yabaki, tolu na vula.

E doudou ni tukuna ina mataveilewai: “E matata tu vei au na vuna au vakacacani tiko kina ena vuku ni noqu vakabauta ni sa tukuna oti o Jisu Karisito. E kaya ena Joni wase 15, tikina 20: ‘Na bobula e sega ni uasivia na nona turaga. Ke ra vakacacani au, era na vakacacani kemudou tale ga.’

“O Jisu e veivakabulai, vakani ira na tamata qai vakavulici ira eso tale me baleti Tamana kei na nona matanitu, ia era tusaqati koya. E dodonu mera namaka tale ga qori na nona imuri. Niu tusaqati ena vuku ni noqu vakabauta, au vakadeitaka niu sa muria tiko na sala donu!”