Ena ika21 ni Tiseba 2020, e vakataulewataka na mataveilewai na Leninskiy District Court of Rostov-on-Don, ni cala o Brother Semyon Baybak. E totogitaki tale ga me tolu veimama na yabaki e valeniveivesu. Ena gauna qo ena sega ni bala ni valeniveivesu.

Ena iotioti ni nona vosa o Semyon ina mataveilewai, e cavuta na ka e kaya e dua e dauvalataka na dodonu ni lewenivanua e Rusia. Qo na ka e kaya: “Era vakararawataki [na iVakadinadina i Jiova], ia era matadredredre tu ga.” E kaya o Semyon: “Ya na ka dina. Au sega ni yalolailai se sevaka na ka e caka vei au.” E qai wilika na 2 Korinica 4:8, 9, me vakaibalebaletaka vua kei ira na mataveitacini e Rusia: “Keitou sogolati ena sala kece, ia keitou se veitosoyaki rawa ga, keitou veilecayaki, ia keitou se dro rawa ga, keitou vakacacani, ia keitou sega ni vakanadakui, keitou vakabalei, keitou sega ga ni vakarusai.”