EPERELI 20, 2023
RUSIA

Vakayaloqaqataki Brother Okhapkin na iBulibuli

SARAVA/ROGOCA

Ena vakarau tauca na mataveilewai na Kineshemskiy City Court of the Ivanovo Region mai Rusia, na lewa ena kisi me baleti Brother Andrey Okhapkin. E se bera ni kerea na dauveibeitaki na kena itotogi.

Kena iTukutuku

Andrey Okhapkin

Sucu: 1962 (Zavolzhsk, Yasayasa o Ivanovo)

Me baleti koya: E dau porokaramutaka na kompiuta, e qasenivuli tale ga ni physic

Rau vakamau kei Irina ena 1987. A vulica i liu na iVolatabu o Irina ena 1994. Oti e tomani koya o Andrey ni sa qai vakadeitaka ni bula dina tiko na Dauveibuli. Rau papitaiso ena 1995

Ka e Tukuna

Cava e vukei iko mo kua ni yalolailai ni o vesu tu?

Noqu dau masu wasoma vei Jiova ke lekaleka mada ga, e vukei au qori meu kua ni vakalomalomani au. E vukei au tale ga nona ivakaraitaki o Jope. O Jiova e vakayagataka nona ibulibuli me vakavulica kina vei Jope na nona itovo talei. Qori tale ga na ka au saga meu cakava. Au dau sarava vakamalua na lomalagi, na o, kei na vunikau. Au dau qoroya na sala era vuka kina na manumanuvuka. Au dau vakaraica na nodra ivukivuki na pusi kei na koli ena vanua au tiko kina. E voleka ni lima na vula noqu sarava tiko na ka kece qori mai na noqu varada ni vale. Qori e vukei au meu kila vinaka na itovo i Jiova, e vakavolekati au tale ga vua.

Era vakayaloqaqataki iko vakacava eso tale era sotava na ituvaki dredre?

Gauna au vesu tu kina a volavola mai vei au e dua na tacida e vesu tale ga. E vola: “Eso era dau tarogi au, ‘O bau rere?’ Ena sega ni dina keu vakasega. Ia ena vinakati ga meu kua ni rere qai yaloqaqa. Nida dauveiqaravi i Jiova e tu vakarau o koya me vakayaloqaqataki keda ena gauna cava ga. Nanuma tiko e sega sara ga ni dua na ka na ituvaki dredre o sotava qo, koya ga e bibi me dei nomu vakabauta.” Noqu wilika qori kei na nodra ivakaraitaki eso tale e vukei au meu vaqaqacotaka noqu veiwekani kei Jiova qai vakatawana ina noqu vakasama kei na lomaqu na veika vakayalo.

Me vakai Andrey, eda marautaka “na cakacaka veivakurabuitaki ni Kalou,” eda lai nanuma kina na nona lomani keda.—Jope 37:14.

Veitaravi ni Gauna

Noveba 18, 2021

Tekivu vaqaqai
Noveba 23, 2021

Caka na vaqaqara ena ono nodratou vale na tacida, wili kina na vale nei Andrey. E mani kau qai vesu tu vakawawa
Noveba 24, 2021

Beitaki ni daubasulawa
Noveba 25, 2021

Vesu tu vakawawa
Feperueri 17, 2022

Sere mai qai vakatatabutaki i vale
Julai 14, 2022

Laveti nona vakatatabu qai vakatabui me gole ina dua tale na vanua
Tiseba 15, 2022

Tekivu veilewai

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU