JULAI 15, 2024
RUSIA
Veilewai Qai Totogitaki o Brother Yevgeniy Sokolov
Ena ika29 ni Me 2024, e kaya na mataveilewai na Zeyskiy District Court of the Amur Region mai Rusia, ni cala o Brother Yevgeniy Sokolov. E vakatatabutaki me tolu na yabaki, ena sega tale ga ni biu e valeniveivesu ena gauna qo.
Qo sa ikarua ni gauna me beitaki kina o Yevgeniy. Na imatai ni nona kisi ratou okati tiko kina e ciwa tale na tacida, e se caka tiko na kena veilewai ena gauna qo ena siti o Voronezh, qori na vanua e tiko kina o Yevgeniy.
Ia na cava e vukei Yevgeniy me vosota? E kaya: “Au vulica meu nuitaki Jiova vakalevu. O Jiova duadua ga e rawa ni walia na noda leqa. E vinaka qai yaga tu ga na nona sala.”
Me vakataki Yevgeniy, meda tukuna tiko ga vei Jiova: “O kemuni na noqu ivakaruru,” eda na nuidei ni na vakarautaka na ka eda gadreva.—Same 142:5.
Veitaravi ni Gauna
Tiseba 15, 2022
Sega ni kila o Yevgeniy ni sa beitaki ni daubasulawa ena ikarua ni gauna
Seviteba 22, 2023
Sa qai kila o Yevgeniy ni beitaki ena ikarua ni gauna. E vakatarogi qai beitaki ni “tuvanaka qai cakava tiko na soqo ni lotu”
Epereli 22, 2024
Tekivu veilewaitaki
Me 29, 2024
Beitaki ni cala qai vakatatabutaki me tolu na yabaki
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.