Ena Vakaraubuka na ika14 ni Feperueri 2020, e tauca na Mataveilewai ni Yasana o Zheleznodorozhniy, na lewa me baleti Brother Yevgeniy Aksenov. E kerea na dauveibeitaki me tolu na yabaki e valeniveivesu.

Ena ika21 ni Epereli 2018, ratou veivosakitaka tiko na iVolatabu o Brother Aksenov, vica nona itokani kei na nona veikilai ena dua na rumu ni otela. E vakamacalataka o Brother Aksenov na ivakavuvuli vakaivolatabu me vaqaqacotaka na bula vakavuvale. Qori na vuna e beitaki kina “ni basulawa, e vakavuna tale ga na tiko yavavala,” qai totogitaki ni “tuvanaka tiko na cakacaka e vakavuna na tiko yavavala.” E veilewaitaki ena ika21 ni Okotova, 2019.

Meda nanumi Brother Aksenov tiko ga ena masu kei ratou nona vuvale, me ratou nuitaki Jiova ni vakarau mai oti nona veilewai. Me ratou nuidei tale ga ena nona vosa ni yalayala nira na “sega ni leqa ena dua na ka” o ira na qaravi koya ena yalodina.—Same 34:9.