8 JULAI, 2020
RUSIA
Vesu Tale o Brother Chrsitensen me Lima na Siga
Sa tuvanaki tu me sere ena ika6 ni Julai 2020, o Brother Dennis Christensen ena rumu a era dau biu ga kina na daubasulawa vakadomobula. Ia ena siga tiko ga qori, e tosoya na valeniveivesu e Lgov me vesu tale me lima na siga ni beitaki vakailasu ni beca eso na lawa me vaka nona dau bera.
E tukuna o Brother Christensen vei nona loya ni ratou lasu na vakailesilesi ni valeniveivesu, ni ratou saga me kua ni sereki. Sa oti qo e dua na yabaki na nona rawa ni kerea o Brother Christensen me sereki totolo. E kerea vakava, ia ratou sega ni vakadonuya qori na mataveilewai e Lgov kei iratou na vakailesilesi ni valeniveivesu.
Era se beitaki tiko ga vakailasu na tacida e Rusia vei ira na vakailesilesi, ia eda kila ni na tokoni ira o Jiova ni na solia vei ira na vakacegu, ena ‘viribaiti ira tale ga ena nona veivakadonui me vaka na isasabai levu.’—Same 5:12; 119:69.
a Eda dikeva ena dua na ulutaga sa oti ni sa vakadonuya na mataveilewai me sereki totolo o Brother Christensen. Ia e qai rogoci tale na nona kisi, qai tau na lewa me vesu ena dua na rumu e valeniveivesu era dau biu ga kina na daubasulawa voravora (EPKT). E tiko volekata na vanua qori e dua tale na rumu ni veivakatotogitaki e vakatokai na SHIZO, era dau biu kina na kaivesu era cakava na cala lalai. Ia sa qai kilai qo na kena dina ni vesu tiko ga o Brother Christensen ena vanua qori (SHIZO).
Raica Tale Ga
ITUKUTUKU VOU