Ena ika10 ni Feperueri 2021, e vakataulewataka na mataveilewai na Abinskiy District Court of the Krasnodar Territory e Rusia, me vitu veimama na yabaki e valeniveivesu o Brother Aleksandr Ivshin e yabaki 63. Qo e itotogi levu duadua me tau vua e dua na iVakadinadina i Jiova me tekivu mai nodra vakatatabutaki ena 2017.

E tekivu veilewaitaki o Brother Ivshin mai na ika23 ni Epereli 2020. E beitaki ni “basulawa” ni tuvanaka tiko na soqoni, kei na lagasere ena internet. Ena nona iotioti ni vosa ena mataveilewai, e vakamatatataka na ka e vakabauta. E kaya: “E yavutaki vakaivolatabu na ka kece au cakava ena noqu bula. E sega vakadua ni okati kina e dua na ka me vakavuna na tiko yavavala se veicati.”