ME 7, 2024
RUSIA
Vesu o Brother Anton Virich
Ena ika25 ni Epereli 2024, e tauca na mataveilewai na Pozharskiy District Court of the Primorye Territory mai Rusia, na lewa me baleti Brother Anton Virich. E totogitaki tale ga me vesu me ono na yabaki, rua na vula. E se vesu mai ena ika11 ni Julai 2023 me yacova mai qo.
Kena iTukutuku
Nida vosota na veitusaqati eda na lomavakacegu, nida vakaraitaka kina noda lomani Jiova, ena vakadonui keda tale ga o koya da qai vakalougatataki.—Jemesa 1:12.
Veitaravi ni Gauna
Feperueri 11, 2021
Beitaki ni daubasulawa
Noveba 9, 2021
E sega ni tukuni vei Anton ni sa beitaki vakailasu, qai vakatabui me gole ina dua tale na vanua
Julai 11, 2023
A draiva tiko o Anton ena siti o Uzhur era mani tarovi koya na ovisa, ra qai kaya vua ni dro tiko ra qai vesuki koya. E vesu tu vakawawa me vica na siga
Julai 15, 2023
Vakavodoki ena waqavuka me lai vesu vakawawa e Luchegorsk, e sivia ni 4,700 na kilomita na kena yawa
Noveba 7, 2023
Tekivu veilewaitaki
Epereli 25, 2024
Beitaki ni cala qai vesu me ono na yabaki, rua na vula