Ena ika31 ni Maji 2020, e tauca na Mataveilewai ni Yasana o Lensky, e Sakha na kisi me baleti Brother Igor Ivashin. E vinakata na dauveibeitaki me vesu me vitu na yabaki.

Ena Feperueri 2018, e kaya na mataveilewai e ra e Yakutsk vei ira na ovisa mera vakarogoca tiko nona qiri o Brother Igor Ivashin. Oti e vica na vula, era curuma vakaukaua na vakailesilesi e walu nodratou vale na tacida, wili kina na vale nei Brother Ivashin. E mani vakatarogi kei ira na le 21 na tacida ena siteseni ni ovisa. E beitaki Brother Ivashin nona ivukevuke o dauveibeitaki ni tuvanaka tiko na cakacaka e vakavuna na “tiko yavavala.”

Ni sega ni dua na ivakadinadina ni nona cala, e mani kau tale nona kisi ena valenivolavola ni dauveibeitaki ena ika20 ni Noveba, 2019. E kerea na dauveibeitaki me rogoci tale nona kisi, mani kau ena mataveilewai ni tikina. A tekivu rogoci nona kisi ena Feperueri 2020.

E rua na luvedrau yalewa o Brother Ivashin, kei na watina o Natalia. Sa voleka sara ni mai cava nona veilewai, meda masulaka mada ga ni ratou na ‘vosota na ka kece ena vosovoso kei na marau.’—Kolosa 1:11.