Ena ika16 ni Tiseba 2020, e totogitaki Brother Yuriy Savelyev na mataveilewai na Leninskiy District Court of Novosibirsk e Rusia, me ono na yabaki e valeniveivesu. Ia e dei qai yaloqaqa tu ga na tacida qo ena veika e vulica ena iVolatabu.

Ena ika9 ni Tiseba, e kaya ena doudou o Yuriy ina mataveilewai: “Sa vakayacori tiko qo na ka e parofisaitaka o Jisu Karisito. E kaya ena iVolatabu ena Marika 13:9: ‘Dou qarauni kemudou vinaka. Era na kauti kemudou ina mataveilewa, dou na vakanakuitataki e valenilotu, dou na kau tale ga ina matadra na kovana kei na tui ena vukuqu, mo dou vakadinadina kina vei ira.’”