Ena vakarau tauca na Metallurgichesky District Court of Chelyabinsk mai Rusia, na lewa me baleti Brother Vladimir Suvorov. a Ratou se bera ni kerea na dauveibeitaki na itotogi me soli vua.

Vladimir Suvorov

• Sucu: 1946 (Chelyabinsk)

• Me baleti koya: A mekeniki tu, e dau ni drama tale ga. E ivukevuke tale ga ni dairekita ni Soviet House of Culture. Taleitaka na vola sere kei na qiri qita

  Vakamautaki Valentina ena 1973. Papitaiso sara me iVakadinadina i Jiova ena 1993. Dua ga na luvedrau o Igor, a mate ena 2014 ni tauvi koya na kenisa

Ena ika16 ni Janueri 2020, e tekivu vaqaqai vei ira na vakailesilesi e Chelyabinsk o Brother Vladimir Suvorov e yabaki 75. Era beitaki koya ni cala nona tuvanaka tiko na cakacaka ni lotu, me vaka na lagasere ni lotu, masu, kei na veivosakitaki ni iVolatabu.

Ena Feperueri 2020, era vakatarogi Vladimir na vakailesilesi, ra qai vakatabui koya me veilakoyaki. Ena ika17 ni June 2020, e beitaki ni dua na daubasulawa. E kaya o Vladimir ni lewa e tau qo, e dua na veivakatovolei dredre me bau sotava. Ia e kaya: “E sega vakadua ni biuti keirau na Kalou o Jiova . . . E qaqaco tiko ga neirau veiwekani kei koya. Keirau vakila vakaveiwatini ni vukei keirau o Jiova. E vakayagataki ira na mataveitacini, eso vei ira qori mai na so tale na ivavakoso mera vakayaloqaqataki keirau ra vakacegui keirau tale ga.”

Ena ika11 ni Maji 2021, e beitaki ni cala o Valentina e yabaki 73, qai vakatatabutaki me rua na yabaki. E tau na kena itotogi ena mataveilewai a rogoci kina na kisi nei Vladimir. Rau nuidei b ni o Jiova ena tokoni rau tu ga.—Same 118:6.