Ena ika3 ni Me 2018, ena rogoca na Saint Petersburg City Court na nodra kerekere na iVakadinadina i Jiova me rogoci na nodra kisi ena lewa sa tau oti ena kena tauri vakaukaua na nodra valenivolavola e Rusia. Ke sega ni vakadonui nodra kerekere na iVakadinadina, ena rawa ni taura na Matanitu na qele kei na valenivolavola.

E vakalecalecava na Sestroretskiy District Court na ivakadinadina ni taukena na valenivolavola qori na Watch Tower Bible and Tract Society of Pennsylvania (WTPA), e dua na isoqosoqo vakalawa e sega ni rawatubu e tiko mai Merika. Sa 17 na yabaki na nodra taukena kei na nodra sauma tiko na ivakacavacava ina matanitu. Ia ena ika7 ni Tiseba 2017, sa sega ni qai vakabau na konitaraki e vakadonui kina na kena taukena na valenivolavola na isoqosoqo. Ke sega gona ni rogoci na nodra kerekere na iVakadinadina, era na kauta cake na veika tawadodonu e caka qo ina Mataveilewai me baleta na nodra dodonu na lewenivanua e Urope.

Ena rogoci na kisi ena ika3 ni Me 2018 ena veimama ni 11 ena mataka, ena Saint Petersburg City Court, ul. Basseynaya, 6, St. Petersburg e Rusia.