NIU YOKA—Ena dua na soqo e vakayacori e Moscow, e Kremlin ena ika31 ni Me, 2017, e solia na Peresitedi kei Rusia o Vladimir Putin na “iCovi ni iTavi Vakaitubutubu” vei Valeriy kei Tatiana Novik, erau iVakadinadina i Jiova ena yasayasa o Karelia, e walu na luvedrau.

A tauyavutaka na peresitedi na icocovi qo ena vula o Me 2008. Era dau vakaicovitaki na itubutubu e vitu se sivia na luvedra, nira gumatua ni qarava nodra vuli, bula, ivakarau ni vakasama kei na nodra itovo vinaka. Era raici na vakaicovitaki mera ivakaraitaki vinaka, era uqeta tale ga na duavata ena vuvale.

E kaya o David A. Semonian, na mata ni iVakadinadina i Jiova ena nodra itikotiko liu: “Keimami raica ni icocovi qo e vakadeitaka na yaga ni vuli iVolatabu sega ni saumi era vakarautaka na iVakadinadina i Jiova, ni vukei ira na itubutubu kei na gone mera lewenivanua vinaka e Rusia, vaka kina e veiyasa i vuravura. Sa tu na vakanuinui ni na kauaitaka na Mataveilewai Cecere e Rusia ena ika17 ni Julai, 2017, na icocovi e solia o Peresitedi Putin ni dikeva tale na kisi ni kena vakatabui na iSoqosoqo ni iVakadinadina i Jiova e Rusia.”

Gusunivosa:

David A. Semonian, Valenivolavola ni iTukutuku, +1-845-524-3000