A totogitaki ena ika16 ni Epereli, 2012 o Aleksandr Solovyov e dua na iVakadinadina i Jiova me sauma e rauta ni $30 na ilavo ni Merika, ni tuvanaka me caka na soqoni ena dua na vale saumi ena siti o Perm’ e Rusia.

Ni rogoca oti na turaganilewa na “ivakadinadina” kece me baleti Solovyov, e mani veisautaka na vakatulewa ni mataveilewai e ra qai bokoca na itotogi.

E wilika na turaganilewa na macala ni veilewai qai tukuna vei koya na iVakadinadina: “Eda sega ni bula tiko qo ena 1937 meda vakalecalecava kina na ka dina ni sega ni dei na lawa ra qai veivakaduiduitaki eso. Koya gona o vakavinavinakataki ena cakacaka ni veivakavulici o vakayacora tiko. Me vakilai tiko ga na cakacaka dodonu ena noda itikotiko.”

Ena Julai 1937, a solia o Stalin na iliuliu e Soviet na Lewa 00447, me baleta na veika rerevaki era na sotava. Ke dua e sega ni duavata kei na matanitu qai sega na kena ivakadinadina matata, ena vesu ga qai kau ina mataveilewai. E vakaraitaka na kena ivolatukutuku ni sivia e tini na udolu era kau ina keba ni cakacaka. Sivia na 300,000 era vakamatei, so vei ira qori era vakamatei vakatawadodonu.