Ena ika16 ni Okosita, 2019 era sevutaka na iVakadinadina i Jiova na New World Translation of the Christian Greek Scriptures ena vosa vaKwanyama, ena dua na soqo ni veiwasewase e Ondangwa, mai Namibia. E sevutaka o Brother Franco Dagostini, e lewe ni Komiti ni Tabana e Sauca Aferika, na iVolatabu qori ena imatai ni siga ni soqo ena Ondangwa Trade Fair Hall.

E kaya e dua na lewe ni timi ni vakadewa: “Na New World Translation of the Christian Greek Scriptures e vukea sara ga na kena wiliki na itukutuku ena iVolatabu, me kilai vinaka tale ga na kena ibalebale. Era na marau na mataveitacini mera raica na yaca i Jiova ena vanua e dodonu ga me biu kina.”

Na yalava e qarava na valenivolavola ni tabana e Sauca Aferika, era tiko kina e le 490 na dautukutuku era vosa vaKwanyama. Era vunau vei ira e rauta na 1.4 na milioni era vosa vaKwanyama, vakauasivi e Angola kei Namibia.

Na New World Translation of the Holy Scriptures sa vakadewataki taucoko se vakatikina ena 184 na vosa, e 25 e railesuvi na kena itabataba ni 2013. Eda marau nira na vakayagataka na mataveitacini na iVolatabu qori mera wasea na Vosa ni Kalou vei ira e levu ena yalava era vosa vaKwanyama.—Cakacaka 2:37.