Ena icavacava ni Epereli 2019, e taubi na uca ena yasayasa vakatokalau kei Sauca Aferika. Na balavu ni gauna e tau tu kina na uca e vakavuna me sisi na qele, qai luvu e levu na vanua e Durban, ena yasana o KwaZulu-Natal. E ripotetaka na tabana ni itukutuku nira sa mate e rauta na le 70 na lewenivanua.

E ripotetaka na valenivolavola ni tabana e Sauca Aferika ni sega ni dua na tacida e mavoa se mate. Ia e 19 nodra vale na tacida e vakacacani ena sisi ni qele kei na waluvu. E vakacacani tale ga e tolu na Vale ni Soqoni.

Ena veidusimaki ni Komiti ni Vakacoko, era sa veitokoni tiko na Tabana ni Tarataravaki me dikevi na vale kece e vakacacani. Ke ra vakaleqai kina na tacida, sa tu na ituvatuva mera vakaicilitaki ena vanua era na taqomaki kina.

Eda nuidei ni o Jiova ena tokoni ira na tacida e Sauca Aferika ena ituvaki dredre era sotava tiko qo.—Same 34:19.