Sa vakarau vakaotia na tabana ni Tarataravaki e Qarava na Valenivolavola ni Tabana (LDC) e Sauca Aferika, na kena vakavinakataki na ofisi e Durban. E caka na ofisi qori me valenivolavola ni vakadewa tu yawa (RTO) ena Vosa Vagalu ni Sauca Aferika. Ena Maji 2020, a volia na valenivolavola ni tabana na itikotiko qori, kei na so tale na vale voleka. Ena Me 2022, era sa na toki na daunivakadewa ena itikotiko qori.

Era na tiko kina e 17 na lewenivuvale e Peceli, kei na 25 na tacida era dau veivuke tiko. Na itikotiko vou qori ena vakarawarawataka na kena vakadewataki vakavinaka na ivola vakaivolatabu vei ira na 283 na tacida era didivara e Sauca Aferika, kei ira na le 450,000 era tiko ena vanua qori. E levu vei ira na didivara kei ira era sega ni dau rogoca vinaka na ka, era tiko ena yasana o KwaZulu-Natal e Sauca Aferika. O Durban na siti levu ena yasana qori.

O Brother Sibusiso Mzizi, e tiko ena timi ni vakadewa ni Vosa Vagalu ni Sauca Aferika. E kaya: “Ena yaga sara vakalevu na ofisi vou qo ena yalava vosa vagalu e Sauca Aferika, ena vakaukauataka tale ga na ivavakoso.”

Eda vakavinavinakataki Jiova ni vakalougatataka na sasaga qo, kei na toso ni cakacaka.—Same 127:1.