Ena ika31 ni Tiseba, 2019, e kacivaka na matanitu o Sauca Korea nira na vosoti na le 1,879 era sere mai valeniveivesu nira sega ni via curu ena mataivalu ena vuku ni nodra lewaeloma. Era se kilai tiko ga na tacida nira basulawa, ia sa bokoca na matanitu na vakatatabu kece me baleti ira. Na vakatulewa qori e salavata kei lewa ni Mataveilewai Levu kei na Mataveilewai Cecere ena 2018, oya ni sega ni okati me basulawa nona sega ni via curu e dua ena mataivalu, ia qori na nona dodonu ga.

E kena ivakarau e Korea me vakatatabutaki tu me lima na yabaki o ira na sere mai valeniveivesu. Era vakatatabutaki kina na tacida nira beitaki ena basulawa ena nodra sega ni via curu ena mataivalu ena vuku ni nodra lewaeloma. Era mani vakatabui kina mera kua ni cakava eso nodra laiseni vakamatanitu se mera vakacakacakataki.

E kaya o Brother Hong Dae-il, ena Tabana ni Tukutuku e Sauca Korea: “Keimami vakavinavinakataka na matanitu ena kena laveti na vakatatabu qo. Dua na gauna ena qai kila na matanitu o Korea ni sega ni basulawa nona vesu e dua ena vuku ni nona vakabauta vakalotu.”

Eda nuitaka tu ni na veisau na vakatulewa e Sauca Korea. Eda na solia ga na lagilagi kei na vakarokoroko vua na noda Vunilawa o Jiova.—Vakatakila 4:11.