Ena ika4 ni Epereli, 2019, e kama na veikau ena ceva kei Sauca Korea ena Yasayasa e Gangwon. Na totolo ni tete ni kama e raica na matanitu e Sauca Korea ni rawa ni vakaleqai ira na lewenivanua, mani vakarota me caka kina e dua na ka. E sivia na 4,000 na eka ni vanua e kama, rau mate tale ga e le rua.

E ripotetaka na valenivolavola ni tabana ni sega ni dua na tacida e mate. Ia e vakacacani e walu na vale, ra vakaleqai tale ga e le 27 na tacida. Ena veidusimaki ni valenivolavola ni tabana, era sa veivuke tiko na Komiti ni Vakacoko kei ira na ivakatawa dauveilakoyaki vei ira na qase ni vavakoso, ena nodra veivakayaloqaqataki vakayalo ra qai vukei ira na vakaleqai.

Eda nuidei ni o Jiova ena nodra ivakaruru kei na kaukaua, e dau tu vakarau me vukei keda ena gauna ni rarawa.”—Same 46:1.