Sauca Korea

• Ena yabaki qo, e balavu duadua na draki ca e Korea e vakatokai na monsoon

• E taubi tu ga na uca, e lai vakavuna na waluvu kei na sisi ni qele

• Era tokitaki mai nodra vale e 16 na dautukutuku

• E vakacacani e 30 na vale

• E vakacacani e 19 na Vale ni Soqoni

• Sa tuvanaka na valenivolavola ni tabana e Korea e tolu na Komiti ni Vakacoko (DRCs)

• Era cakacaka vata tiko na Komiti ni Vakacoko, na ivakatawa ni tabacakacaka kei ira na qase ni ivavakoso ena nodra vukei na tacida era vakaleqai

• Sa samaki qai vakavinakataki tiko na nodra vale na tacida kei na Vale ni Soqoni era vakacacani

• E dua na vanua e vakacacani vakalevu na siti o Gurye. E luvu na nodrau vale o Brother Min-seong Lee kei watina, qai vinakati me rau biuta na nodrau vale kei na ka kece rau taukena. Nira gole yani na timi ni vakacoko, era lai samaka sara na nodrau vale, e vakarautaki tale ga eso na ka rau gadreva. Era vakayaloqaqataki rau, rau vakacegui tale ga vakayalo. Ni oti na nodrau vukei, e kaya o Sister Lee: “Au vakavinavinakataka vakalevu na nodra veivuke. Keirau marautaka na ka kece era mai cakava. Vaka ga era vakavinakataka tiko na nodra vale. E levu dina na ka keirau vakalougatataki kina, keirau rawa ni kaya ni lailai sara na ka keirau vakayalia.”

Eda vakavinavinakataki Jiova, “na Kalou e dau vakacegui keda ena ka kece,” ena tokoni ira tiko ga na tacida e Korea ena gauna dredre qo.—2 Korinica 1:3, 4.