Sa qai imatai ni gauna me vakarautaka kina o Sauca Korea e dua na cakacaka me isosomi ni curu ena mataivalu. Ena ika26 ni Okotova 2020, era vakadonuya e 63 na tacida tagane mera vakaitavi ena cakacaka qori. Ra qai cakacaka me tolu na yabaki ena rua na valeniveivesu. E okati ena cakacaka qori na vakarautaki ni kakana, volivoli, veivakavulici, na samaki kei na vakavinakataki ni valeniveivesu. Me vaka e vakaroti ena lawa, era na vesu me rua na vula, oti ra qai vakatarai mera biuta na valeniveivesu mera lai soqoni se cakacaka vakavunau. Ia mera lesu tale ni bera na ciwa na kaloko ena bogi.

E dua vei ira qori o Brother Kim Hyun-soo, e kaya: “Dina ga na cakacaka qo e sega ni muria na lawa ni veimatanitu, ia au ciqoma ga ni sega ni lewa na mataivalu.”

Eda nuidei nira na lagiti Jiova tiko ga na tacida yalodina e Sauca Korea ena nodra “cakacaka vinaka.”—Maciu 5:16.