SEOUL—Era sevutaka na iVakadinadina i Jiova e Seoul, Korea na itabataba vakavoutaki ni New World Translation of the Holy Scriptures ena vosa vaKorea ena Soqo ni Veimatanitu “Vakaliuca Tiko ga na Matanitu ni Kalou!” E vakayacori na soqo qo ena Seoul World Cup Stadium ena Seviteba 6-8, 2014. E soli wale na iVolatabu vei ira na le 56,867 era tiko ena soqo, vei ira tale ga na le 59,091 era sarava tiko na porokaramu mai Busan, Daejeon, Gwangju, Jeju, Suwon, kei Yeosu. E kaya o Joon-yeong Choi a tiko ena soqo: “Na gauna guiguilecavi dredre duadua ena soqo qo oya na kena sevutaki na itabataba vakavoutaki ni New World Translation.”

Era tiko tale ga ena soqo qo eso mai Kenada, Finiladi, Yatu Filipaini, Poladi, kei Merika. E kaya o Dae-il Hong, na mata ni iVakadinadina i Jiova e Korea: “Keimami vakavakarau vinaka ena soqo bibi qo, ia e sega ni tukuni rawa na veika totoka keimami vakila. E ka marautaki dina me keimami veitauriligataka na kena qaravi na soqo qo.”

Era kurabui na tiko ena soqo e Seoul nira raica e tolu na iVolatabu vakaitamera e tu ena loma ni rara, qori e tobu ni papitaiso. Kedra iwiliwili taucoko na papitaiso e 1,226. Era le 630 na papitaiso e Seoul, 596 era papitaiso mai na vanua era dui sarava tiko kina porokaramu.

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Republic of Korea: Dae-il Hong, talv. +82 31 690 0033