Ena imatai ni Noveba 2018, e vakatulewataka kina na Mataveilewai Cecere e Sauca Korea, ni sega ni okati me basulawa na nodra sega ni vakaitavi ena ivalu na tacida ena vuku ni nodra vakabauta. E laurai ni le 9 ena mataveilewai era tokona, e le 4 era saqata na vakatulewa qori. Ia era na yavutaka sara ga e keri o ira na sega ni vakaitavi ena mataivalu na nodra vakatulewa. Na vakatulewa vakairogorogo qo e Sauca Korea, e itekitekivu ni kena dikevi tale e sivia e 900 na kisi me baleti ira na tacida tagane era se tu ena mataveilewai kece e Korea.

Ena itekitekivu ni yabaki qo, e tauca na Mataveilewai Levu e Korea, ni dodonu me tiko e dua tale na cakacaka mera cakava o ira kece na sega ni via vakaitavi ena ivalu me tekivu ena Tiseba ni 2019.

Eda marau qai vakacaucautaki Jiova ena vakatulewa vakairogorogo qori.