28 JUNE, 2018
SAUCA KOREA
Vakairogorogo ena iTukutuku kei Korea na Vakatulewa ni Mataveilewai Levu: Cala Vakalawa na Kena Sega ni Dau Soli na Digidigi
Ena ika28 ni June, 2018 se qai imatai ni gauna ena ivolatukutuku kei Sauca Korea me vakatulewataka na Mataveilewai Levu ni cala vakalawa e dua na lawa ena Mataivalu ni Korea, na Military Service Act (MSA). Na vuna ni sega ni dau soli na digidigi vei ira na tawaveitovaki ena ivalu. Na vakatulewa vakairogorogo qori e bokoci kina na lawa sa 65 na yabaki na kena muri tiko mai, ra qai dau bala e valeniveivesu o ira na tawaveitovaki ena ivalu ni veilewaitaki ira na MSA.
Me tekivu ena 1953, sa sivia e 19,300 na tacida era bala e valeniveivesu, qai 36,700 kece na isoqoni ni yabaki era vesu tu kina. Na vakatulewa ni Mataveilewai Levu qo ena rawa ni muria tale ga na Mataveilewai Cecere e Korea ni vakatulewa ena so na kisi e vauci ira na tawaveitovaki ena ivalu. Kena ikuri, me tekivu na ika31 ni Tiseba, 2019 mera vakarautaka na daubuli lawa e Korea na digidigi vei ira na dau tawaveitovaki ena ivalu.
Eda marau vata kei ira na tacida e Korea ni sa tiko na yavu me tini kina na veika tawadodonu e vakayacori tiko ena vicasagavulu na yabaki sa oti.—Vosa Vakaibalebale 15:30.
Rawa ni o Wilika Tale ga
ITUKUTUKU VOU
Nodra Tawaveitovaki na Lotu vaKarisito e Sauca Korea—Vakabauta kei na Nodra Yaloqaqa
Tekivu ena 1953, era vesu tiko na cauravou iVakadinadina i Jiova e Korea nira sega ni via vakaitavi ena mataivalu. Ia e veisau kece qori ena Feperueri ni 2019. Raica mada na kena yaco na ka vakairogorogo qori.
ITUKUTUKU VOU
Qara Tiko na Mataveilewai e Sauca Korea e Levu Tale na Sala Mera Kua ni Vesu Kina o Ira na Sega ni Via Curu ina Mataivalu
Era qara tiko na turaganilewa e Sauca Korea na isosomi ni nodra curu tiko e valeniveivesu na sega ni via curu ina mataivalu.