14 EPERELI, 2022
SIPENI
Sevutaki na New World Translation of the Holy Scriptures ena Vosa vaCatalan
Ena ika2 ni Epereli 2022, e sevutaka ena iyaya vakalivaliva o Brother Alberto Rovira e lewe ni Komiti ni Tabana e Sipeni, na New World Translation of the Holy Scriptures ena vosa vaCatalan. Era sarava na porokaramu qori na tacida era vosataka na vosa qori era tiko mai Andorra, kei na so tale na yasayasa e Sipeni. E wili kina o Balearic Islands, Catalonia, kei Valencia. E sivia na 3,000 era sema yani ena JW Stream. Ena tiko ena ivavakoso na kena ilavelave tabaki ena vica na vula mai qo.
E rairai tekivu ena 800 na yabaki sa oti na vakadewataki ni iVolatabu ena vosa vaCatalan. E dua na vakadewa qori e vakatokai na Rhymed Bible, e tabaki ena 1282 kei na 1325. E vakadewataki kina vakaserekali e 18 na ivola ena iVolatabu me rawa ni nanumi vinaka na tikinivolatabu.
Era sarava na tacida ena Vale ni Soqoni na sevutaki ni iVolatabu ena JW Stream
Levu na vakadewa ni iVolatabu ena vosa vaCatalan e tiko kina na vosa makawa, e dredre mera kila na dauwiliwili. Eso tale na vakadewa e kauta tani na yaca i Jiova, qai cala na kena vakadewa.
E kaya ena nona vunau o Brother Rovira: “Eda nuidei ni iVolatabu qo e vakadewataka donu na inaki ni Kalou ena noda vosa.”
Eda marautaka ni na yaga vakalevu vei ira na vosa vaCatalan na kaukaua ni Vosa ni Kalou qo.—Iperiu 4:12.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.