Ena ika29 ni Okotova 2024, dua na ka na bi ni uca lai vakavuna na waluvu ena ceva kei Sipeni. E ripotetaki na uca e dau tau ena dua na yabaki, e tau ga ena loma ni walu na aua ena yasayasa e Valencia. Kena ivakaraitaki, dua na ka na bi ni uca ena tauni o Turis. E levu na tauni e luvu, e sisi tale ga na qele e vakacacani kina na gaunisala kei na wavu. E vica vata na udolu e sega na kedra kakana, wai kei na livaliva. E rauta ni le 217 era mate, e levu tale era se yali tiko.

• Ka ni rarawa ni mate e dua na tacida yalewa, yabaki 77

• Tokitaki e 19 na dautukutuku

• Vakarusai e dua na vale

• Vakacacani vakalevu e 21 na vale

• Vakacacani vakalailai e 27 na vale

• Vakayali ena waluvu nodra motoka e 157 na dautukutuku

• Vakacacani vakalevu e tolu na Vale ni Soqoni

• Era veivakayaloqaqataki qai veivakacegui mai na iVolatabu o ira na mata mai na valenitabana, ivakatawa ni tabacakacaka kei ira na qase ni ivavakoso. Era vakarautaka tale ga na ka ni veivuke

• Tuvanaki e dua na Komiti ni Vakacoko me qarava na ka ni vakacoko

• Era lomasavu na tacida ena vanua e sega ni yaco kina na waluvu, mera vakaicilitaki ira na tacida era vakaleqai ena leqa tubukoso qo

Eda nanumi ira na vakaleqai ena waluvu levu e Sipeni. Eda vakacegui qai vakayaloqaqataki ena ka e yalataka na iVolatabu, ni o ira kece na nuitaka na kaukaua i Jiova era na “sega ni rere” ena gauna dredre qo.​—Aisea 12:2.