Sa mai vakacavari na kena vakavinakataki e dua na tabavale ni ofisi ena valenivolavola ni tabana e Sipeni. Qori ena vakayagataka na Tabana ni Vakadewa. E levu tale na ka ena vakavinakataki ena itikotiko qo, qai tuvanaki me vakacavari ena 2025.

E tiko ena tabavale vou qori e dua na laibri e rawa ni maroroi kina e 4,000 na itabataba na ivola. Ena biu kina na ivola era sega ni tiko ena iyaya vakalivaliva.

E kaya o Brother John Bursnall, e lewe ni Komiti ni Tabana e Sipeni: “Ena 25 na yabaki sa oti, e levu na veiveisau e caka ena valenivolavola ni tabana e Sipeni. I liu, e dau tabaki e ke na ivola, e maroroi tale ga kina na iyaya. Ia qo sa qarava tale ga na vakadewataki ni vosa vakaSipeni, vosa vagalu ni Sipeni, kei na tabaki ni braille ena levu na vosa vakaUrope. Qori na vuna e vinakati me vakalevutaki kina na valenivolavola ni tabana. Me rawa ni keimami tokoni ira kina na tacida e vuravura raraba.”

Sa tekivu vakavinakataki e va na itikotiko mera tiko kina na lewenivuvale e Peceli. E rauta ni le 200 era bole mera veivuke ena tarataravaki qo. Sa vakarautaki gona vei ira ena valenivolavola ni tabana e 70 na valeqiqi mera tiko kina.

Dua na ka na tubu e laurai e Sipeni. Gauna qo, e 120,530 na dautukutuku era tiko kina, qai 23,565 era painia tudei. Ena yabaki sa oti, e tubu vakawalu na kedra iwiliwili na veiqaravi vakatabakidua.

Eda kila ni o Jiova ena tokona na tarataravaki qo me rawa ni lagiti kina na yacana.—Same 61:8.