Ena ika20 ina 21 ni Julai, 2019 e vakayacori e Winter Stadium, e Michalovce mai Slovakia, na imatai ni soqo ni veiwasewase ena vosa vakaRomany. Era tiko kina na le 1,276, ra qai papitaiso e le 19.

Era tiko tale ga kina o ira na tacida era sureti mai Belgium, Czech Republic, Peritania, kei Ukraine. Era sarava tale ga ena nodra vosa na iyaloyalo, iTalanoa kei Josaia: Lomani Jiova; Cata na ka Ca.

E tauyavu ena Noveba, 2014 na ivavakoso vakaRomany, qo na imatai ni gauna me vakayacori kina na soqo. E qarava na valenivolavola ni tabana e Czech-Slovak e 9 na ivavakoso vakaRomany, 10 na iwasewase lalai, kei na 14 na iwasewase vou.

E kaya o Peter Tirpak na manidia ni Winter Stadium: “E totoka dina nodra veitokoni na iVakadinadina i Jiova. Era cakava na ka era tukuna. Keimami marau ke ra na lesu tale mai.”

E kaya o Peter Varga na ovasia ni soqo: “Se bera vakadua niu sotava e dua na soqo va qo. Dua dina na gauna vakairogorogo vei ira na tacida era vosa vakaRomany, e guiguilecavi dredre tale ga. Ni laga oti na iotioti ni sere era veimokomoko na mataveitacini dina ga ni matai ni gauna mera sota kina. Levu era luluvu tale ga.”

Eda marau vata kei ira na le 1,010 na dautukutuku era vosa vakaRomany e Slovakia, ni soqo qori e vakabibitaka sara ga nodra veilomani dina vakaveitacini na tamata i Jiova.—Joni 13:34, 35.