Ena ika14 ni Tiseba 2021, e kaya na komiti na United Nations Human Rights Committee ni beca na matanitu o Tajikistan na nona dodonu o Brother Tierri Amedzro ena nona vesu qai vakau i Kazakhstan.

E kaya na komiti ni cala vakalawa na nona vesu, e sega tale ga ni tokona na veidinadinati ni UN International Covenant of Civil and Political Rights. E kaya tale ga ni sega ni rawa ni tarova na matanitu ke via lesu tale i Tajikistan o Tierri. E vakaroti ira gona na vakailesilesi e Tajikstan “mera cakava na ka kece era rawata me kua kina ni beci na nona dodonu e dua na iVakadinadina i Jiova.”

Ena ika4 ni Okotova 2018, era curuma vakaukaua na vakailesilesi e Tajikstan e dua na vale era soqoni tiko kina na tacida. E vesu o Tierri qai lai vakatarogi. A beitaki vakailasu ni cala vakalawa nona curuvanua. E qai kaya na turaganilewa ena ika16 ni Okotova 2018, ni cala na ka e cakava qori. E lewenivanua e Rusia o Tierri, e cakacaka tiko i Tajikistan.

E totogitaki Tierri na turaganilewa, qai vakarota me vakatalai lesu i Kazakhstan.

E kaya o Tierri: “Au nuitaka na vakatulewa e cakava qo na UN ena tokona na galala ni sokalou e Tajikistan, me rawa nira sokaloutaki Jiova tale ga ena galala na tacida.”

Gauna qo e vesu tiko e dua na tacida e Tajikistan ena vuku ni nona vakabauta.

Eda nuidei ni o Jiova ena vakacegui ira tiko ga na tacida era vosota tiko na ituvaki dredre.—Aisea 26:3.