Ena ika7 ni Janueri 2021, e kaya na mataveilewai ni mataivalu e Tajikstan me vesu o Brother Rustamjon Norov me tolu veimama na yabaki e valeniveivesu. E totogitaki ni sega ni via curu ena mataivalu ena vuku ni nona vakabauta.

Ni bera ni tau na kena itotogi a soli vua na gauna me vosa ina mataveilewai. E doudou ni cavuta eso na tikinivolatabu me vakamacalataka kina nona sega ni via vakaitavi kina ena mataivalu. E tukuna tale ga na ka e vukei koya me yalodina tiko ga.

E cavuta na Filipai 4:13: “Au rawata na ka kece ena vuku i koya e vakaukauataki au.” E kaya o Rustamjon: “Na gauna kece qo au vakila ni tu e yasaqu na noqu Kalou o Jiova, e vakaukauataki au tale ga. E vukei au meu kua ni soro se yalolailai. Au marau tu ga, qai matadredredre. Au vakavinavinakataki koya vakalevu, au sakitaka tale ga niu dua nona iVakadinadina.”