Ena ika15 ni Janueri 2022, e kacabote na volukano e waitui ena yanuyanu o Toga ena Wasa Pasifika, qai yaco e dua na ualoka. E vakilai sara na kena revurevu e Sauca Amerika kei Japani. E levu na ka e vakacacani e Toga ena vuku ni waluvu kei na dravusa ni volukano. E sega ni rawa tale ga na veitaratara ena talevoni.

• Sega ni dua e mavoa

• E lesi e dua na Komiti ni Vakacoko

• Era veivuke na mataveitacini ena samaki ni dravusa katakata ena nodra delanivale eso na tacida. E sema tiko ena nodra delanivale qo na taqe ni wai e maroroi kina na wai ni gunu

• E muri tiko ga na vakatatabu ni COVID-19

Era sa soqoni tale tiko na tacida, ra cakava tale ga nodra ituvatuva vakayalo. Eda kila ni o Jiova ena “veivuke qai vakacegui” ira tiko ga na tacida era vakaleqai ena leqa tubukoso qo.—Same 86:17.