Ena draki ucauca ena 2019, dua na ka na levu ni uca ena taudaku kei Lomé, e Togo, lai vakavuna sara na waluvu. Era vakaleqai kina na le ruanadrau limasagavulu ka vitu na dautukutuku ena vitu na ivavakoso. Sa veivuke tiko ena gauna qo na tabana ni vakacoko.

Ena so na vanua e vakacacani, e tubu na wai e lomanivale me dua na mita, e vakavuna mera tokitaki e le 51 na tacida. Era sa veivakaicilitaki tiko na dautukutuku era toka voleka vei ira na vakaleqai.

E vakadukara eso na ivurevure ni wai ni gunu na waluvu. E qarava tiko na cakacaka e Togo na valenivolavola ni tabana e Benin. Sa veidusimaki tiko na Komiti ni Tabana vei ira na ivakatawa ni tabacakacaka kei na qase ni ivavakoso, mera vakarautaka na ka era gadreva na tacida. E wili kina na wainimate me vakasavasavataka na wai.

Meda kerea mada ga vei Jiova me vakalougatataki ira na tacida e Togo, nira vakaraitaka na loloma nira vakuai ira ena vukudra na tacida.—Joni 13:34, 35.