Ena ika18 ni Janueri 2021, e vakataulewataka na mataveilewai e Turkmenistan me vesu me rua na yabaki o brother Artur Yangibayev ena vuku ni nona vakabauta. Qo sa ikarua ni gauna e beitaki kina ni cala ni sega ni via curu ena mataivalu.

Artur Yangibayev

• Sucu: 1997 (Seydi)

• Kena italanoa: E sotava na veika dredre ni se gone, vakavuna me lomatarotarotaka na veika tawadodonu e yaco tu e vuravura. Rau veitalanoa sara kina kei na ganena e iVakadinadina i Jiova. Vulica sara na iVolatabu ni yabaki 13. Papitaiso sara ena 2014

  E dau tarataravaki, e vakavinakataka tale ga na vale (apartment). Rau kaya nona itubutubu ni dauyalololoma qai nuitaki o Artur. Era dau dokai koya tale ga na tiko veitikivi ni daudina

Ena ika8 ni Okosita 2016, a vesu vakawawa o Artur ni sega ni via curu ena mataivalu ena vuku ni nona vakabauta. Ena ika30 ni Okosita, e totogitaki me rua na yabaki nona cakacaka e tuba. E oti nona rua na yabaki ena Seviteba 2018.

Ena ika15 ni Tiseba 2020, a vakaroti me curu tale ina mataivalu. E lai vakatarogi ena nodra ofisi na dauveibeitaki, qai tukuni vua me vola vakaivola na vuna e sega ni via curu kina ena mataivalu.

Ena ika30 ni Tiseba, era kaya na dauveibeitaki ni daubasulawa, ra taura tale ga nona pasipote.

E kaya o Artur ena imatai ni nona vesu: “E vakanuideitaki au na Roma 8:37-39, e sega ni dua na ka ena tarova noqu yalodina vei Jiova.” Eda kila na veivukei ga i Jiova e rawa kina ni vosota na veika dredre.