7 SEVITEBA, 2020
TURKMENISTAN
E Tauca na Mataveilewai e Turkmenistan me Vesu o Brother Myrat ni Sega ni Curu ena Mataivalu
Macala ni Vakataulewa
Ena ika3 ni Seviteba 2020, e totogitaki Brother Myrat Orazgeldiyev na Mataveilewai ni Tikina ena Yasana o Mary me dua na yabaki e valeniveivesu ni sega ni via curu ena mataivalu. Ena kerea me rogoci tale na nona kisi.
Kena iTukutuku
Myrat Orazgeldiyev
Siga ni Sucu: 2002 (Siti o Mary)
Kena italanoa: E cakacaka e valenikana me veivuke kina e vale. E susugi koya ena dina o tinana. E dau taleitaka na qito kei na buli sere
iTukutuku ni Veilewai
Ena June 2020, ni oti ga vakalailai nona yabaki 18 o Brother Orazgeldiyev, e vakaroti koya na mataivalu me dua na sotia. E vakamacalataka o koya na vuna ena sega ni curu kina ena mataivalu qai kerea me cakava e dua na cakacaka me kena isosomi.
Ena imatai ni Julai 2020, ratou saga e tolu na sotia me ratou lai kauti Brother Orazgeldiyev mai nona vale, ia e sega ni via lako kei ratou. Ena siga tiko ga qori e dikevi kina vakavuniwai qai laurai ni ganiti koya me curu ena mataivalu.
Ena ika14 ni Julai 2020, ratou lai vakatarogi koya na tabana ni dauveibeitaki. Ena vula tarava, e beitaki ni basulawa, sa lokuci sara na siga ni nona veilewai.
Meda kerea mada ga vei Jiova me solia na yaloqaqa kei na kaukaua vei Brother Orazgeldiyev kei ratou na tini tale na tacida cauravou eratou se tu e valeniveivesu.—Same 31:24.