Ena ika11 ni Janueri, 2021, e totogitaki Brother Ruslan Artykmyradov na mataveilewai ni mataivalu e Turkmenistan me rua na yabaki e valeniveivesu. Qo sa ikarua ni gauna e totogitaki kina ni tawaveitovaki.

E matadredredre qai marau tu ga o Ruslan ni kacivaki na kena itotogi. Gauna e kau kina e cavuta na vosa i Jisu ena Maciu 24:13: “O koya e vosota me yacova na icavacava ena vakabulai.”

E vakayaloqaqataki keda na nodra vakabauta na tacida cauravou e Turkmenistan. Era vakatotomuria noda iVakaraitaki o Jisu e vosota ena “vuku ni marau e tu e matana.”—Iperiu 12:2.