Era tuvanaka na iVakadinadina i Jiova e Ukraine me vakaraitaki na iVolatabu, me laurai tale ga kina na New World Translation of the Christian Greek Scriptures ena vosa vagalu ni Rusia (RSL). Qori e dua na sasaga vakairogorogo e rawati ena tabana ni vakadewa. E tekivu na sarasara ena ika7 ni Okotova, 2018 me yacova na ika7 ni June, 2019, e Lviv , kei na vica tale na siti me vakataki Kharkiv, Kyiv, Odesa, kei Dnipro.

Era veisureti na ivavakoso vagalu, ra vakaraitaka tale ga na vidio vei ira na galu wili kina o ira na sega ni dau rogoca vinaka na ka, ena yalava e caka kina na sarasara. E veivuke tale ga na Tabana ni iTukutuku ena valenivolavola ni tabana e Ukraine me veisoliyaki na ivola ni veisureti vei ira na qasenivuli, tabana ni itukutuku, kei ira na vakailesilesi ni matanitu.

A saravi taumada e Lviv City Deaf Club na iyaya ni veivakavulici ena iVolatabu me baleti ira na galu, me vaka na JW Library Sign Language^®. Era marautaka na sarasara na duidui ilavelave ni iVolatabu e vakayagataki ena veisenitiuri sa oti, tekivu ena ivolavivigi me yaco sara ina iVolatabu sa tu vei keda nikua. E laurai tale ga na ilavelave ni iVolatabu mai na 1927.

Keimami marau ni sa tu na New World Translation of the Christian Greek Scriptures ena vosa vagalu ni Rusia. Keimami kila deivaki ni na vukei ira na vosa vagalu vakaRusia mera kila na ka dina ena iVolatabu.—Maciu 5:3.