SEVITEBA 27, 2022 | IROGO VOU: MAJI 22, 2024
IROGO MAI VEIYASA I VURAVURA
IROGO VOU—BOKOCI NA LEWA | Vukei Ratou o Jiova me Ratou Kua ni Yalolailai
Ena ika21 ni Maji 2024, e sega ni duavata na mataveilewai na Supreme Court of the Republic of Crimea mai Rusia, ena ka ratou beitaki kina o Brother Taras Kuzo kei watina o Sister Darya Kuzo, o Brother Sergey Lyulin kei Brother Petr Zhiltsov. Ratou sa sere na tacida qori. Ena rogoci tale na nodratou kisi ena mataveilewai na Yalta City Court of the Republic of Crimea.
Ena ika27 ni Feperueri 2023, e kaya na mataveilewai na Yalta City Court of the Republic of Crimea ni cala o Brother Taras Kuzo, na watina o Sister Darya Kuzo, o Brother Sergey Lyulin, kei Brother Petr Zhiltsov. E vakatatabutaki o Darya me tolu na yabaki, ena sega ni biu e valeniveivesu. O Taras ena vesu me ono veimama na yabaki. O Sergey kei Petr rau vesu me ono na yabaki, dua na vula. Ni tau oti ga na lewa ratou sa kau na tacida tagane me ratou lai vesu.
Veitaravi ni Gauna
Maji 4, 2021
Tekivu vaqaqai o Taras, e beitaki ni vakailavotaka tiko na isoqosoqo e vakavuna na tikoyavavala
Maji 11, 2021
Caka na vaqaqara ena 9 nodratou vale na tacida, wili kina na nodrau vale na Kuzo kei na Sergey. E kau o Taras qai lai vesu vakawawa
Maji 12, 2021
Sere o Taras qai vakatatabutaki e vale, ia e sega ni vakatarai me tiko vata kei ratou nona vuvale
Julai 29, 2021
Ratou vaqaqai o Darya, Petr, kei Sergey. E kau o Petr qai lai vesu tu vakawawa
Julai 30, 2021
Dikevi vata kece na kisi ratou beitaki kina. Sere o Petr qai vakatatabutaki e vale
Okosita 11, 2021
Vesu o Sergey qai kau ena valeniveivesu e rauta ni 800 na kilomita na kena yawa. E 16 na aua na ilakolako qori. E vesu na ligana ena sinucodo qai biu cake e uluna, e vesu tale ga na yavana ena idabedabe
Maji 1, 2022
Sere o Sergey qai vakatatabutaki e vale
Epereli 4, 2022
Tekivu na veilewai
Julai 11, 2022
Oti nodratou vakatatabutaki e vale o Petr, Sergey, kei Taras, e vakatabui me ratou gole ena dua tale na vanua
Kedratou iTukutuku
Era na rairai ‘sega ni rawa ni veitosoyaki’ o ira na tacida yalodina era vesu, se vakatatabutaki e vale. Ia o Jiova ena sega ni guilecava nira vakacacani ena vuku ni yacana.—2 Korinica 4:8, 9.
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.