JANUERI 9, 2024 | IROGO VOU: OKOTOVA 7, 2024
IROGO MAI VEIYASA I VURAVURA
IROGO VOU—RAU VESU NA TACIDA | Rau Vakadeitaka me Rau Nuitaki Jiova Tiko Ga
Ena ika3 ni Okotova 2024, e veisautaka na mataveilewai na Supreme Court of the Republic of Crimea mai Rusia, na kedrau itotogi o Brother Yuriy Gerashchenko kei Brother Sergey Parfenovich. Rau sa na sega ni vakatatabutaki, ia rau na biu e valeniveivesu me ono na yabaki. Ni tau oti ga na lewa rau sa lai vesu.
Ena imatai ni Julai 2024, e kaya na mataveilewai na Krasnogvardeyskiy District Court of the Republic of Crimea mai Rusia, ni rau cala o Brother Yuriy Gerashchenko kei Brother Sergey Parfenovich. Rau na vakatatabutaki me ono na yabaki, ia rau na sega ni biu e valeniveivesu ena gauna qo.
Kedrau iTukutuku
Eda kila ni o Jiova ena tokoni rau tiko o Yuriy kei Sergey, kei ira kece era yalodina tiko ni ‘vunitaki ira ena iyaloyalo ni tabana.’—Same 17:7, 8.
Veitaravi ni Gauna
Seviteba 19, 2022
Tekivu vaqaqai o Sergey
Seviteba 28, 2022
Era vaqaqara na vakailesilesi ena nodratou vale e walu na tacida, wili kina na vale nei Sergey, oti e qai lai vesu vakawawa
Seviteba 30, 2022
Vesu me wawa veilewai o Sergey
Noveba 15, 2022
Sere o Sergey qai vakatatabutaki i vale
Maji 22, 2023
Tekivu vaqaqai o Yuriy. E kau me lai vakatarogi qai vesu tu vakawawa
Maji 24, 2023
Sere o Yuriy qai vakatatabutaki i vale
Julai 12, 2023
Laveti nodrau vakatatabutaki i vale o Sergey kei Yuriy, ia e vakatabui me rau gole ina dua tale na vanua
Julai 28, 2023
Tekivu na veilewai. Beitaki o Sergey kei Yuriy ni rau tomana tiko ga na “cakacaka ni basulawa, rau qai vakarerei ira na soli ivakadinadina.” E sega ni dua na ivakadinadina ni veibeitaki qori, ia e vakatatabutaki rau i vale na turaganilewa ena ikarua ni gauna
Raica Tale Ga
ITUKUTUKU VOU
Vesu ena Vuku ni Nodra Vakabauta—Crimea
Era vesu ena vuku ni nodra vakabauta na iVakadinadina i Jiova mai Crimea. Vulica na kedra itukutuku, qai tabaka (print) tale ga na lisi ni yacadra na iVakadinadina i Jiova era vesu tiko ena gauna qo.