Sa vakaraitaka na iLawalawa Dauvakatulewa ni iVakadinadina i Jiova, nira sa digitaki eso na vale ni tabana mera vakatovotovotaka ena so na ivavakoso, na nodra sokalou sara ga ena Vale ni Soqoni. Era na digitaka na vale ni tabana na Vale ni Soqoni ena vanua era sa cula kina e levu na lewenivanua, e lailai tale ga na iwiliwili ni tauvimate. E macala ga ni na muri kina na idusidusi ni matanitu me baleta na soqoni era caka ena loma ni vale. E kacivaki na ituvatuva qo ena vuvale e Peceli ena veiyasai vuravura ena Vakaraubuka na ika15 ni Okotova, 2021.

Na macala ni vakatovotovo qo ena vakadeitaka ke sa rawa ni muri tale ga qori ena so tale na ivavakoso. E kacivaki tale ga ni se vakatubui tiko ga na noda sota vata meda sokalou me yacova mada na imatai ni Janueri, 2022.

Eda vakavinavinakataka nona kauaitaka tiko na mataveitacini e veiyasai vuravura na iLawalawa Dauvakatulewa, kei na nona yalomatuataka na ikalawa me muri me rawa nida sota vata sara ga ena noda itavi vakayalo. Meda masulaka tiko ga vei Jiova me dusimaka qai vakalougatakataka na ituvatuva qo.—Vosa Vakaibalebale 14:16.