Qo na isoqosoqo era tauyavutaka eso era bula mai na keba ni veivakararawataki mai Dachau. E kerea na Lagergemeinschaft Dachau vei ira na vakailesilesi e Rusia mera muduka nodra vakacacani tiko na iVakadinadina i Jiova. Ena ika16 ni Me 2021, e volavola na isoqosoqo qo vei Perisitedi Vladimir Putin. E kaya ni sega ni duavata kei ira na tacida ena nodra vakacacani e matanalevu.

E vola: “Veisiga ga eda na rogoca na ripote ni nodra vakacacani na iVakadinadina i Jiova. Era curuma vakaukaua na FSB kei na ovisa na nodra vale ra qai vaqaqara kina. Era mokulaki qai vakalolomataki. Era vesu tu vakabalavu na tagane kei na yalewa, qai dau sega ni vakadonui nodra kerekere se mera sereki koso.”

E tinia na ivola: “Keitou kerea mera vakadonui na lewenivanua e Rusia mera sokalou ena galala. Kerekere, me muduki na ivalavala tawadodonu qo!”

Me yacova mai na Me ni 2021, era sa vesu e 61 na tacida e Rusia ena vuku ni nodra vakabauta. E wili kina o Sister Valentina Baranovskaya e yabaki 70, e vesu me rua na yabaki. Ena Julai 2020, e tauvi koya na strouk. A sega ni vakadonui nona kerekere kei luvena o Roman Baranovskiy, e vesu me ono na yabaki ena ika24 ni Me 2021.

Eda vakavinavinakataka na nona vakaraitaka na isoqosoqo qo na veika tawadodonu e caka tiko vei ira na tacida e Rusia. Eda kila ni o Jiova ena vakabulai ira nona tamata.—Taniela 12:1.