Ena ika15 ni Feperueri 2020, e sevutaki na Version 4 ni JW Library Sign Language. Ena totolo nodra vaqara na iyaya ni vakekeli o ira na vakayagataka, ena vakarawarawataka tale ga nodra vakavakarau ena soqoni kei na nodra vakekeli ena iVolatabu.

O ira na dau vakayagataka na JW Library, nira tabaka ga na tikinivolatabu kei na so tale na ivola vakaivolatabu sa na basika mai. Ia e sega ni va qori o ira na vakayagataka na JW Library Sign Language, e sega ni rawa ni laurai mai na ulutaga ni vidio kei na kena idusidusi.

Ia na Version 4 ni JW Library Sign Language, sa vakarautaki na isema. Nira tabaka na isema ena rawa nira raica eso tale na vidio, ena rawarawa tale ga nira lesu tale ina vidio era sarava tiko.

Sarava na rawarawa ni kena raici na ka e vulici ena soqoni ena loma ni macawa

Eda nuidei ni ka e sevutaki qo ena yaga vakalevu vei ira na tacida era vakayagataka na vidio ni vosa vagalu. Eda vakavinavinakataki Jiova ena isolisoli qo meda lomani koya kina vakalevu.—Same 119:97.

Sarava na kedrau veisemati na idusi ena Vakatekivu 3:1 me baleta na “gata,” ina Vakatakila 20:2 me kilai kina na “gata makawa.”