Ena ika13 ni Okosita 2023, e sevutaka o Brother Roy Zeeman, e lewe ni Komiti ni Tabana o Suriname, na ivola i Maciu, Marika, Luke, kei Joni ena vosa vakaAukan. E sevutaki qori ena dua na soqo ena Vale ni Soqoni Lelevu ena siti o Paramaribo e Suriname. Era tiko kina na le 2,713. Era sema tale ga ena iyaya vakalivaliva na le 691 era tiko ena Vale ni Soqoni e Cayenne, French Guiana, kei na so tale na vanua. Ni oti ga na soqo, e sa rawa ni download na va na ivola qori ena Kosipeli ena iyaya vakalivaliva. E veisoliyaki tale ga na ilavelave tabaki ni ivola The Bible—The Good News According to Matthew. Ena tabaki na vo ni tolu na ivola ena Kosipeli ni sevutaki na New World Translation of the Christian Greek Scriptures ena vosa vakaAukan.

Na vosa vakaAukan e vosataki vakalevu e Suriname kei French Guiana. E sega ni dau volai vakalevu na vosa qo. Era dau vakayagataka gona na dautukutuku ena ivavakoso vosa vakaAukan na New World Translation ena vosa vakaSranantongo. E dau vosataki vakalevu na vosa vakaSranantongo e Suriname, ia e sega ni matata qori vei ira na vosa vakaAukan. E sega ni dau rawarawa gona vei ira na tacida mera dau vakamacalataka na tikinivolatabu ena vosa vakaAukan ena gauna ni cakacaka vakaitalatala. E kaya e dua na daunivakadewa: “Eda marau ni sa rawa ni yaga na Vosa ni Kalou vei ira na vosa vakaAukan, e duidui na nodra yabaki kei na ivakatagedegede ni vuli.”

Me vakataki ira ga na tacida era vosa vakaAukan, eda nuidei ni na vukei ira e levu na ivola vou qo mera lagiti Jiova.—Same 34:1.