Ena ika18 ni Okosita 2023, e sevutaka o Brother José Luis Peña, e lewe ni Komiti ni Tabana e Merika e Loma na New World Translation of the Christian Greek Scriptures ena vosa vaKekchi. E sevutaki ena imatai ni siga ni Soqo ni Veiwasewase, e kena ulutaga ‘Vakaraitaka na Vosota’! E vakayacori e San Juan Chamelco, Alta Verapaz e Guatemala, ra qai tiko kina e rauta ni le 590. E veisoliyaki na kena ilavelave tabaki, rawa tale ga ni download ena iyaya vakalivaliva. E sivia ni 1,300,000 na lewenivanua era vosataka na vosa qo e Belize kei Guatemala. Nikua, e rauta ni le 520 na dautukutuku era vosa vaKekchi era veiqaravi tiko ena 17 na ivavakoso, kei na 4 na iwasewase lalai ena rua na vanua qori.

Levu na tacida era kaya ni vakadewa ni iVolatabu qo ena vukei ira vakalevu na lewenivanua era vosa vaKekchi mera kila vinaka na Vosa i Jiova. Kena ivakaraitaki, e kaya e dua na tacida yalewa: “Na vakadewa ni 1 Timoci 1:11 ena New World Translation e vakamacalataka ni o Jiova e ‘Kalou mamarau.’ Ia eso na vakadewa ni iVolatabu vaKekchi e sega ni donu na ka e vakamacalataka me baleta nona itovo o Jiova. Au sa rawa ni vakamacalataka vei ira ena tikinivolatabu qo, ni o Jiova ga e rawa ni vakamarautaki keda ena gauna dredre mada ga.”

Eda nuidei ni iVolatabu qo ena vukei ira e levu na yalomalumalumu era vosa vaKekchi mera mai kilai Jiova, mera lomani koya qai vakamareqeta nona Vosa.—Vosa Vakaibalebale 7:1, 2.