Ena ika9 ni Okotova 2022, e sevutaki na itabataba vakavoutaki ni New World Translation of the Holy Scriptures ena vosa vakaSamoa. E sevutaka qori o Brother Geoffrey Jackson e lewe ni iLawalawa Dauvakatulewa, ena dua na ivunau e katoni, ra qai sarava na dautukutuku e American Samoa, Ositerelia, Niusiladi kei Samoa. Oti qori, e veisoliyaki sara na kena ilavelave tabaki, e download tale ga ena iyaya vakalivaliva.

Ena 1931, era tekivu vunau na tacida e Samoa, e tauyavutaki tale ga ena 1953 na imatai ni ivavakoso e Apia. Ena 2009, e vakadewataki na imatai ni New World Translation ena vosa vakaSamoa. Era marautaka na tacida kei ira eso tale na iVolatabu qo, ni donu vinaka na kena vakadewataki, e tu vakarawarawa tale ga.

Era saga na daunivakadewa ni iVolatabu qo mera vakayagataka na vosa e kilai rawarawa, e matata vei ira na dauwiliwili, e donu tale ga. E kaya e dua na daunivakadewa: “Era dau doka na iVolatabu na lewenivanua e Samoa. Ni keitou vakasamataka tiko qori, keitou vakayagataka gona na vosa e matata qai kilai rawarawa, sega ni vosa e dredre me kilai. Ena veivuke ga i Jiova, e vakarautaki rawa kina na iVolatabu qo, e yaga tale ga vei keimami kece.”

Eda nuidei ni iVolatabu qo, ena vukei ira na dauwiliwili mera raica na talei ni nona nanuma na Kalou o Jiova.—Same 139:17.