Ena ika5 ni Maji 2023, e sevutaka o Brother David Splane, e lewe ni iLawalawa Dauvakatulewa na New World Translation of the Christian Greek Scriptures ena vosa vagalu ni Sauca Aferika (SASL), kei na ivola i Maciu ena vosa vakaNdonga. A caka na kena soqo lavotaki ena valenivolavola ni tabana e Sauca Aferika. E levu tale ga na ivavakoso era sema ena internet. E sivia na le 130, 000 era tiko kina. Oti ga na kena sevutaki, sa rawa tale ga ni download ena iyaya vakalivaliva.

Ena 2007 sa tekivu caka mai kina na vakadewa ena vosa vagalu ni Sauca Aferika ena valenivolavola ni tabana e toka volekati Johannesburg, e Sauca Aferika. Ena 2022, era toki na timi ni vakadewa ena valenivolavola ni vakadewa tu yawa e Durban. O Brother Ayanda Mdabe, e dua na qase ni ivavakoso e didivara, e kaya me baleta na iVolatabu qo: “Qo sa na qai matata sara ga vei keimami na dina kei na kaukaua ni Vosa ni Kalou. Na iVolatabu qo e vukei au meu kila vinaka nona itovo o Jisu kei na ivakavuvuli vakaivolatabu. E veisautaka tale ga noqu rai.”

E vosataki vakalevu e Namibia na vosa vakaNdonga, qai tiko na kena valenivolavola ni vakadewa tu yawa e Ondangwa. a E kaya e dua na daunivakadewa: “Na sevutaki ni iVolatabu qo au vakadeitaka kina ni lomani keda o Jiova. E vinakata tale ga meda mai kila na ka dina me baleti koya.”

Eda nuidei ni na yaga vei ira na tacida na rua na iVolatabu qo. Ena vukei ira mera maroroya tiko ga na ivakaro i Jiova.—Vosa Vakaibalebale 2:1.