Me tekivu ena 2019, e sa rawa ni saravi se rogoci ena iyaya vakalivaliva eso na vidio se katokatoni ni vakayagataki na Amazon Alexa se Google Assistant. Ena gauna qo, e sa rawa tale ga ni rogoci e levu na katokatoni me baleta na soqoni kei na cakacaka vakaitalatala. Ia me tekivu ena June 2023, e na sega ni vakayagataki na Google Assistant me cakava qori. E rawa ga ni vakayagataki na Amazon Alexa.

O na rawa ni cavuta vakavalagi ke o via rogoca na kena wiliki na ituvatuva ni ivola na Life and Ministry Meeting Workbook kei na veilesoni ena brochure Apply Yourself to Reading and Teaching. O na rawa ni rogoca tale ga na lesoni vakavalagi ni ivola Enjoy Life Forever!.

E rawa ni vakayagataki na iwalewale qori, me rogoci kina na sere ni soqoni mai na ivolanisere vakavalagi na “Sing Out Joyfully” to Jehovah, kei na katokatoni na vocal se instrumental recordings. Ena rawa tale ga ni rogoci na irogo mai na iLawalawa Dauvakatulewa.

Me ikuri ni ivakamacala ena sala me vakayagataki kina na porokaramu qori ena jw.org, raica na ulutaga “Use the JW.ORG Skill for Amazon Alexa” se “Use the JW.ORG Action for Google Assistant.”

Ke sega ni rawa ni caka qori ena nomu iyaya vakalivaliva, ena rawa ni install kina na Alexa app mo vakayagataka na voice assistant.

Ena yaga vakalevu qo vei ira na mataboko kei ira e leqa na matadra. Ke dua nomu itokani e va qori, o na rawa ni vukei koya me download na kena porokaramu ena nona iyaya vakalivaliva qai vakavulici koya tale ga me vakayagataka?