Ena Okosita 2024, a tekivu e dua na cagilaba kaukaua e vakatokai o Debby ena Wasawasa na Atalanitika. Ena ika5 ni Okosita 2024, na kena kaukaua e toka ena category 1 qai vakacaca volekati Steinhatchee, e Florida mai Merika. Na kaukaua ni cagi e rauta ni 130 na kilomita ena dua na aua. Na cagilaba kaukaua qori e lai vakavuna e rauta ni 12 na covulaca. E vica vata na udolu e boko na nodra livaliva ena kaukaua ni cagi kei na bi ni uca. E rauta ni le walu ratou mate e Merika.

Oti sa qai toso na cagilaba o Debby ena vualiku kei Kenada. Ena ika9 ni Okosita 2024, e tau bi na uca ena yasana o Quebec e Kenada. E luvu qai vakacacani na veivale, era tokitaki tale ga e vica vata na drau ena vanua mera taqomaki kina. E ripotetaki ni dua e mate e Kenada.

Merika

• Sega ni dua na tacida e mate

• Curu e valenibula e dua na dautukutuku

• Tokitaki e 23 na dautukutuku

• Vakacacani vakalevu e vitu na vale

• Vakacacani vakalailai e 60 na vale

• Vakacacani vakalailai e dua na Vale ni Soqoni

Kenada

• Sega ni dua na tacida e mate. Ia ka ni rarawa ni mate e dua na vuli iVolatabu ena sisi ni qele

• Mavoa e dua na dautukutuku

• Tokitaki e 23 na dautukutuku, ia e levu era sa lesu tale ena nodra itikotiko

• Vakacacani vakalevu e rua na vale

• Vakacacani vakalailai e 165 na vale

• Sega ni dua na Vale ni Soqoni e vakacacani se vakarusai

• Era veivakayaloqaqataki na ivakatawa ni tabacakacaka kei ira na qase ni vavakoso e Merika kei Kenada vei ira na vakaleqai, era vakarautaka tale ga na ka ni veivuke

• E tuvanaki e dua na Komiti ni Vakacoko e Kenada me vakarautaka na ka ni veivuke

Meda nanumi ira tiko ena masu na tacida era vakaleqai ena cagilaba kaukaua qori. Eda nuidei tale ga ni o Jiova ena ‘vakabulai ira ena gauna ni rarawa.’​—Aisea 33:2.